Dekabr 7 cumaaqşamı künü Kyivde Qırımtatar resurs merkezi ingliz tilinde çıqarılğan «Qırımtatar halqınıñ ayatta qaluv içün küreşi» adlı qısqa vesiqalı film taqdim etildi, dep bildire Qırım.Aqiqat muhbiri.
Qırım resurs merkeziniñ idare başlığı Eskender Bariyev filmni taqdim eter eken: «Bu filmde 17 daqiqa içinde Qırımnıñ tamır halqı olğan qırımtatarlarğa qarşı aq-uquqlarnıñ bozuluvları nasıl yapılğanı kösterile. Ekinci qısım: qırımtatar halqınıñ bir tamır halqı sıfatındaki faciasını köstermek. Em de sadece faciansını degil de, zorbalıq qullanmadan küreşkenini köstermek. Qırımtatarlarda milliy davanıñ printsipi – tamam zorbalıqsız muqavemettir», – dedi.
Onıñ aytqanına köre, filmniñ maqsat auditoriyası – diplomatlar, halqara missiyalarınıñ temsilcileri ve «bu sebepten film tolusınen ingliz tilinde çıqarıldı».
