Link açıqlığı

Saatnıñ esas haberi

Çiygoz – OSCE nazirler Şurasına: bütün Qırım sizler ilhaq terrorını toqtatacağıñızğa ümüt besley


Viennada keçken eki künlük oturışuv çerçivesindeki tedbir iştirakçileri
Viennada keçken eki künlük oturışuv çerçivesindeki tedbir iştirakçileri

Qırımtatar halqı Milliy Meclisi reisiniñ muavini Ahtem Çiygoz, Viennada keçken OSCE nazirler Şurasınıñ eki künlük oturışuv çerçivesindeki tedbir esnasında bütün Qırım, Avropa «işğal etilgen Qırımda terrornı» toqtatacağına ümüt etkenini beyan etti.

«Bizler insanlar ölgeni, balalar yetim qalğanına köz yummamaq kerekmiz. Bütün Qırım, sizler «işğal etilgen Qırımda terrornı» toqtatacağına ümüt besley», – dep bilidire Çiygoznıñ sözlerini Ukraina MİD temsilcisi Maryana Betsa Twitterde.

Ukraina MİD yolbaşçısı Pavlo Klimkin Viennada keçken OSCE nazirler Şurasınıñ oturışuvında, ilhaq etilgen Qırmdaki vaziyetni esapqa alaraq, şu cumleden yañı sanktsiyalar kirsetüv yolunen, Rusiyege qarşı basqı arttırılmasına çağırdı.

Daa evel belli olğanı üzre, qırımtatar halqı Milliy Meclisi reisiniñ muavinleri Ahtem Çiygoz ve İlmi Umerov OSCE azası olğan devletlerniñ nazirleri ve ABD devlet kâtibi Rex Tillersonnen körüşmek içün, Viennağa uçıp ketken ediler.

ABD devlet kâtibi Rex Tillerson dekabrniñ 7-nde Viennada keçecek OSCE nazirler Şurasınıñ eki künlük oturışuvında iştirak etecek. Devlet departamenti daa evel haber etkenine köre, Ukraina meselesi oturışuvnıñ kün tertibinde köterilecek eken.

XS
SM
MD
LG