Link açıqlığı

Çiygoz ver Umerov Tillersonnen körüşmek içün Viennağa uçıp kettiler - Çubarov


Ahtem Çiygoz ve İlmi Umerov

Qırımtatar halqı Milliy Meclisi reisiniñ muavinleri Ahtem Çiygoz ve İlmi Umerov OSCE azası olğan devletlerniñ nazirleri ve ABD devlet kâtibi Rex Tillersonnen körüşmek içün, Viennağa uçıp kettiler.

Bu aqta dekabrniñ 7-nde Facebookta, qırımtatar Milliy Meclisiniñ reisi Refat Çubarov bildirmekte.

«Tabi ki, (Çiygoz ve Umerov – QA) muvaqqat işğal etilgen Qırımdaki insan aqları, siaysiy mabüsler, Rusiyege nisbeten basqınıñ arttırılması hususında laf etecekler», – dep yaza o.

Bu yıl sentâbr ayında Kreml nezaretindeki Qırım Yuqarı mahkemesi Ahtem Çiygoznı 8 yıllık koloniya cezasına mahküm etken edi. O, 2015 senesi yanvar ayında 2014 senesi fevralniñ 26-nda Qırım Yuqaru Şurası binasınıñ ögünde Ukrainanıñ topraq bütünligine bağışlanğan mitingde iştirak etkeni içün tutulıp alındı. Çiygoz kutleviy nizamsızlıqlar teşkil etmekte qabaatlanğan edi.

Ondan soñ mahkeme İlmi Umerovnı Qırımda eki yıl yaşav tarzındaki koloniyada qaluv cezasına mahküm etken edi. Umerov açıq menbalarda yapılğan separatizmge çağıruv yapmaqta qabaatlandı.

Rusiye akimiyeti oktâbrniñ 25-nde Umerov ve Çiygoznı azat etip, Türkiyege teslim etti. Daa soñra qırımtatar halqı Milliy Meclisiniñ yolbaşçıları Kyivge keldiler.

XS
SM
MD
LG