Link açıqlığı

Camala, insan ticaretine qarşılıq kösterüv içün mukâfat taqdimi merasiminde iştirak etecek


Ukrainanıñ qırımtatar asıllı yırcısı Camala insan ticaretine qarşılıq kösterüvde hususiy yararlıqlar içün mukâfatlama merasiminde iştirak etecek. Bu hususta tedbir teşkilâtçılarınıñ matbuat bildirüvinde aytıla.

«Dekabrniñ 7-sinde Kyivniñ akademik Genç teatrinde VII İnsan ticaretine qarşılıq kösterüvde hususiy yararlıqlar içün mukâfatlama merasimi ötkerilecek. Merasimde diplomatik missiyalar ile halqara teşkilâtlarınıñ vekilleri ve Migratsiya boyunca halqara teşkilâtınıñ eyi niyet elçisi Camala iştirak etecekler», – denile bidirüvde.

Camala 2016 senesi İsveçte (Şvetsiyada) keçken «Eurovision» yarışında qırımtatar halqınıñ sürgün etilüvi aqqında «1944» yırını icra etip, ğalebe qazandı. Ukrainalı yırcınıñ ğalibesinden soñ 2017 senesinde yarış Kyivde ötkerildi.

Yırcı, Ukraina prezidenti Petro Poroşenko tarafından «halq artisti» ve Kyiv belediye başlığı Vitaliy Klıçko tarafından «fahriy Kyivli» unvanlarınen mukâfatlandı.

2016 senesi dekabrniñ soñunda Camala, BMT ve Migratsiya boyunca halqara teşkilâtınıñ insan aqlarını qorçalav kampaniyasına qatıldı. O, bir rolikte oynap, ukrainlerni mustaqil olmağa ve öz aq-uquqlarını qorçalamağa davet etti.

XS
SM
MD
LG