Link açıqlığı

Saatnıñ esas haberi

Ukraina prezidenti Ahtem Seitablayevni III derece «Yararlıq» ordeninen taqdirledi


Ukraina prezidenti Petro Poroşenko dekabrniñ 6-nda qırımtatar asıllı ukrain kinorejissör Ahtem Seitablayevni III derece «Yaralıq» ordeninen taqdirledi. Bu aqta ukrain devletiniñ yolbaşçısı özüniñ Twitter saifesinde yazmaqta.

Poroşenko ordenni, Kyiev kinoteatrindeki «Kiborglar» filminiñ premyerasında şahsen özü taqdim etti.

«Rejissör Ahtem Seitablayev reberligi altında çalışqan «Kiborglar» filminiñ taqımına minnetdarlıq bildirem. Siz ukrainalılarnıñ vatanperverlik ruhunı köteresiñiz. «Kiborglar» filminiñ küçü, onıñ azırlanuvında çekim eyetine cenkniñ kerçek olğanını is etmege yardım etken qaraman-askerlernen işbirligi yapılması vastasınen temin etildi», – dep yaza Ukraina prezidenti Twitterde.

Daa evel Ukraina Devlet kinosınıñ reberi Filipp İlyenko, dekabrniñ 7-nde Seitablayevniñ numayış etilmege başlaycaq «Kiborglar» filmi, beklengeninden ziyade tesirli olıp çıqqanını beyan etti.

Açıq menbalardan alınğan malümatqa köre, «Kiborglar» filmi, Ukraina Şarqınıñ Donetsk avalimanında terroristlerge qarşı ötkerilgen operatsiya aqqında ikâye ete.Rejissör Seitablayev janrğa köre onıñ filmi arbiy dramadır, dep saya.

Ahtem Seitablayev dekabrniñ 4-nde qırımtatar halqınıñ lideri Mustafa Cemilev 2014 senesi mayısnıñ 3-nde Rusiye tarafından işğal etilgen Qırımğa kirsetilmegeninen bağlı yañı filmniñ stsenariyi üzerinde çalışqanı aqqında ikâye etken edi.

XS
SM
MD
LG