Arheologlar işğal altındaki Qırımda, tahminen Altın Ordu devrine ait kütleviy idam yapılğan defin tapqan. Bu aqta dekabrniñ 6-nda TASSqa, Rusiye arheologiya İnstitutı klassik arheologiya bölüginiñ ilmiy hadimi Sergey Vnukov haber etmekte.
«Başı kesilip atılğanı körünip turğan aman-aman 70 ceset kemikleri rıqma-rıq tolu eki dane endek tapıldı. İç birinin qafatası yoq, qarışıp şekilde taşlanğan. Belli ki – küytleviy ölüm cezasınıñ qurbanları. Bizim içün hucur bir manzara», – dep bildire TASS Vnukovnıñ sözlerini.
Alim TASSqa ikâye etkeninine köre, tapılğan definniñ angi devirge ait olması, cesetlerniñ radiouglerod analizi yapılğan soñ ortağa çıqacaq.
Defin, «Tavriya» trassası keçecek yerler tedqiq etilgen vaqıtta Bağçasaray rayonında tapıldı, dep yaza informatsion agentlik.
Rusiye nezaretindeki Qırım avtoyollar Hızmeti «Tavrida» avtoyolınıñ qurulışı içün vologdalı VAD şirketinen 137 milliard rublelik (tahminen 54 mlrd grivna – QA) sözleşme imzalağan edi.
Satın aluv vesiqasında Keriç-Kefe-Qarasuvbazar-Bağçasaray-Aqyar yolunıñ qurucılığı ve tamir etilecegi aqqında söz yürsetile.
Qırımda «Tavrida» avtomobil yolu qurulacağı aqqında ilk sefer bu yıl mayıs ayında haber etilgen edi. «Tavrida» trassası 2018 senesi işke tüşürilmesi planlaştırıla edi, ancaq Rusiye nezaretindeki Qırım avtoyollar Hızmetiniñ reberi Aleksandr Mohna, qurucılıq muddetü eki yılğa sürülgeni aqında haber etti.
2017 senesi avgust ayınıñ başında Rusiye baş naziri Dmitriy Medvedev 2018 ve 2019-2020 yıllarğa ayırılacaq bücette, «Tavrida» qurucılığına 14,36 mlrd ruble (6,5 mlrd grivna –QA) ayırılacağınen bağlı qarar imzalağan edi.
