Link açıqlığı

Rusiye parlamentine yalıñız Azatlıq Radiosı ve «Golos Ameriki»niñ kirmesi yasaqlanacaq – Devlet Duması reglament komitetiniñ reberi


Rusiye adliye nazirligi tarafından çetel agenti dep tanılğan doquz dane KHV arasından Devlet Dumasına yalıñız Azatlıq Radiosı ve «Golos Ameriki»niñ kirmesi yasaqlanacaq. Bu aqta dekabrniñ 6-nda Rusiye parlamenti alt palatası komitetiniñ reberi Olga Savastyanova bildirmekte.

«Deputat Alksey Kurinnıyniñ Devlet Dumasında «doquz amerikan şirketi akkreditatsiyası yasaqlansın», dep tenbiyelevine cevap olaraq (amerikalı – QA) doquz dane şirket– degil de, eki danesi yasaqlandı, çünki doquz danesi «çetel agenti», dep tanılmaqta», – dep haber ete Savastyanova.

Rusiye Devlet Duması çarşenbe künü Rusiye parlamenti alt palatası çetel agenti sayılğan amerikan KHVnıñ kirmesi yasaqlaycaq qarar qabul etmege planlaştıra.

İlhaq etilgen Qırım ükümetiniñ rusiyeli baş naziri Dmitriy Polonskiy aytqanına köre, «çetel agenti» dep ilân etilgen KHV yarımadada akkreditatsiyadan keçip olmaycaq, dep ayta.

Rusiye adliye nazirligi dekabrniñ 5-nde Avropa Azatlıq Radiosı/Azatlıq Radiosı (РСЕ/РС),«Nastoyaşeye vremya» telekanalı, Azatlıq Radiosunuñ tatar-başqırd hızmeti (Azatliq Radiosi, «Idel.Aqiqat», «Faktograf», «Kavkaz.Aqiqat» Qırım.Aqiqatnı«çetel agenti» cedveline kirsetti.

Rusiye prezidenti Vladimir Putin noyabrniñ 25-nde Federatsiya Şurası tarafından qabul etilgen KHVnen bağlı «çetel agenti» qanunını imzaladı. Bu qanunğa istinaden Kreml, çetel haber vastalarınıñ maddiy yardım menbalarını açıp bermesi istemege ve rusiyeli seyircige bu şekildeki haberni azırlağan malümat menbalarını «çetel agenti», dep tanımağa imkân bere.

Rusiyedeki KHV faaliyetiniñ sıñırlanmasınen bağlı qarar, Rusiye tarafından finansirlengen RT telekanalında ABD akimiyetiniñ ABDde «çetel agenti» sıfatında qayd olması talabına cevap bergenini ilân etken soñ peyda oldı.

Rusiye adliye nazirligi daa evel Qırım.Aqiqat Azatlıq Radiosı leyhasına işiniñ sıñırlanabileceginen bağlı tenbiyelev yollağan edi.

Avropa Azatlıq Radiosı/Azatlıq Radiosı korporatsiyası öz beyanatında – Rusiye ükümeti tarafından çetel KHV qarşı nasıl tedbirler kirsetilecegi ve işbu tedbirler media teşkilâtına nasıl tesir etecegini tahmin etmekten çekingen edi.

Avropa Azatlıq Radiosı/Azatlıq Radiosı korporatsiyasınıñ maqsadı - dünyadaki çeşit devletlerde, şu cümleden Rusiyede de, oquyıcı ve seyircilerge doğru ve halis malümat taqdim etmekten ibaret olğanını qayd ete. «Bizler muhbirlik işimizni devam etecekmiz», – denilmekte beyanatta.

Ukraina Tışişleri nazirligi ​ Avropa Azatlıq Radiosı/Azatlıq Radiosına bağlı yerdi leyhanıñ «çetel agenti» cedveline kirsetilüvini «söz serbestligine ücüm» dep adlandıra.

XS
SM
MD
LG