Link açıqlığı

Saatnıñ esas haberi

Uquqqorçalayıcı: «çetel agenti» statusı Rusiyede KHV istenilmey dep tanılmasına doğru atılğan bir adım olur


«Memorial» uquqqoruyıcı merkeziniñ binası, Rusiye, 2012 senesi noyabr ayı
«Memorial» uquqqoruyıcı merkeziniñ binası, Rusiye, 2012 senesi noyabr ayı

«Çetel agenti» statusınıñ berilüvi, kelecekte Rusiyede KHV istenilmey, dep tanılmasına doğru atılğan bir adım olması mümkün.

Böyleliknen repressiyalar konkret jurnalistlerge de toqunması mümkün, dep saya, Qırım uquqqorcalayıcı gruppasınıñ yolbaşçısı Olga Skripnik.

«Rusiyede qayd etilgen şirketlerniñ ayatı maliyeviy ve memuriy esabatlarnen zorlaştırılabile. Rusiyedeki uquqorçalayıcı zenaatdaşlarımıznı bilgenimiz içün, olar «çetel agenti» qanunı apansızdan ve esassız teşkerüvler keçirmek maqsadınen yapılğanını aymaqtalar. Bu mesele redaktsiyalarğa da toqunabile», – dep izaatlay o Qırım.Aqiqatqa.

Rusiye adliye nazirligi dekabrniñ 5-nde Avropa Azatlıq Radiosı/Azatlıq Radiosı (РСЕ/РС),«Nastoyaşeye vremya» telekanalı, Azatlıq Radiosunuñ tatar-başqırd hızmeti (Azatliq Radiosi, «Idel.Aqiqat», «Faktograf», «Kavkaz.Aqiqat» Qırım.Aqiqatnı«çetel agent» cedveline kirsetti.

Rusiye prezidenti Vladimir Putin noyabrniñ 25-nde Federatsiya Şurası tarafından qabul etilgen KHVnen bağlı «çetel agenti» qanunını imzaladı. Bu qanunğa istinaden Kreml, çetel haber vastalarınıñ maddiy yardım menbalarını açıp bermesi istemege ve rusiyeli seyircige bu şekildeki haberni azırlağan malümat menbalarını «çetel agenti», dep tanımağa imkân bere.

Rusiyedeki KHV faaliyetiniñ sıñırlanmasınen bağlı qarar, Rusiye tarafından finansirlengen RT telekanalında ABD akimiyetiniñ ABDde «çetel agenti» sıfatında qayd olması talabına cevap bergenini ilân etken soñ peyda oldı.

Rusiye adliye nazirligi daa evel Qırım.Aqiqat Azatlıq Radiosı leyhasına işiniñ sıñırlanabileceginen bağlı tenbiyelev yollağan edi.

Avropa Azatlıq Radiosı/Azatlıq Radiosı korporatsiyası öz beyanatında – Rusiye ükümeti tarafından çetel KHV qarşı nasıl tedbirler kirsetilecegi ve işbu tedbirler media teşkilâtına nasıl tesir etecegini tahmin etmekten çekingen edi.

Avropa Azatlıq Radiosı/Azatlıq Radiosı korporatsiyasınıñ maqsadı - dünyadaki çeşit devletlerde, şu cümleden Rusiyede de, oquyıcı ve seyircilerge doğru ve halis malümat taqdim etmekten ibaret olğanını qayd ete. «Bizler muhbirlik işimizni devam etecekmiz», – denilmekte beyanatta.

Ukraina Tışişleri nazirligi ​ Avropa Azatlıq Radiosı/Azatlıq Radiosına bağlı yerdi leyhanıñ «çetel agenti» cedveline kirsetilüvini «söz serbestligine ücüm» dep adlandıra.

XS
SM
MD
LG