«Strelkovaya» ve «narazılıq meydanı»nıñ qırımtatar faali Fazıl İbraimov, rusiyeli küç idaresiniñ hadimleri dekabrniñ 6-nda onıñ evine işlâmnen bağlı edebiyat ve topraq damartılarında öz evini qurğanlarnıñ imayecilerinen bağlı vesiqalarnı tutıp almaq maqsadınen kelgenleri aqqında ayta.
Bu aqta o tintüv keçken soñ, «Qırım birdemligi» teşkil etken Facebook vastasınen qurulğan bağ esnasında ikâye etip berdi.
«Bir zamanlarda menim, şimdi tükânda turğan PMR markalı pıştavım bar edi. Olar ondan qalğan qurşunlarnı tutıp aldı. Aslında silâ degil de, işlâmnen bağlı edebiyat ve alâ daa bir çoq meselesi çezilmey qalğan ve «narazılıq meydanı»nda iştirak etken şahıslarnıñ vesiqalarını qıdıra ediler», – dep ikaye etti İbraimov.
O, küç idaresiniñ hadimleri «narazılıq meydanı» ve «Strelkovaya»nen bağlı vesiqalarnı alıp ketkenlerini ayttı. İbraimov tintüv protokolını imzalağanı qayd ete.
Onıñ sözlerine köre, küç idaresiniñ hadimleri onı ilâve soravğa çağıracaqlarını aytqan eken.
Tintüv esnasında İbraimovnıñ 85 yaşındaki soyu yaramağan. Oña dep, «tez yardım» maşınası çağırılğan.
Rusiye küç idaresi bu hususnen bağlı iç bir izaat bermey.
Qırımlı avokat Mambetov dekabrniñ 6-nda Aqmescitte «narazılıq meydanı»nıñ faali Fazıl İbraimovnıñ evinde tüntüv keçirilgeni aqqında декабря haber etken edi.
Fazıl İbraimov «Strelkovaya» yerli «narazılıq meydanı»nıñ faali sayıla.
İbraimov «Krımskaya roza» mesken massivi qurulışınen bağlı cemaat deñlevlerinde çıqış yapmağa istey. Ancaq, Rusiye nezaretindeki Aqmescit memuriyetiniñ yolbaşçısı Gennadiy Baharev oña söz aqqı bermeyip, politsiyağa faalniñ zaldan çıqarılmasını rica ete. Ufaq bir dava çıqa ve bundan soñ İbraimov «politsiyanıñ qanuniy talabına riyayet etmemekte» qabaatlana.
Kreml nezaretindeki Aqmescitniñ Jeleznodorojnıy rayon mahkemesi bu yıl avgust ayında 62-yaşındaki İbraimovnı 5 künlük apiske qapağan edi.
Tevqif etilüvnen bağlı tavsilâtlı malümatnı Qırım.Aqiqat materiallarında tapıp oquybilesiñiz.
Advokat Mambetovnıñ malümatına köre, 2017 senesi oktâbr ayında, Rusiye küç idaresiniñ hadimleri yañlışlıqnen «narazılıq meydanı»nıñ 62-yaşındaki faali Fazıl İbraimovnıñ oğlu Enverniñ evinde tüntüv keçirgen ediler.
«Krımskaya roza» yañı mesken massivi Aqmescitniñ şimaliy-şarqiy tarafında qurulması planlaştırıla. Onıñ qurulışını «Monolit» qurucılıq şirketi tanıtqan edi. Qurucı vaad etkenine köre, yañı rayonda 9 biñ kvartira qurulacaq eken. Bu yerde çoq yıllar devamında yaşap kelgen insanlar evlerni yıqmaq niyetindeler. Ekspertler aytqanına köre, «Krımskaya roza» mikrorayonıñ proyekti yanlış yapılğan eken.
