Link açıqlığı

Ukrainanın Çehiyadaki elçihanesi bu devletniñ eñ büyük naqliyecisini «davalı» Qırım haritasını tüzetmege çağırdı


Ukrainanıñ Çehiyadaki elçisi Yevgeniy Perebiynis

Ukrainanıñ Çehiyadaki elçihanesi «Çehiya demiryolları» yolbaşçılığına muracaat eterek, davalı territoriya olaraq kösterilgen Qırım haritasını tüzetmesine çağırdı. Bu aqta Azatlıq Radiosına Ukrainanıñ Çehiyadaki elçisi Yevgeniy Perebiynis bildirdi.

«Qırım Rusiye toprağı olaraq kösterilmeden, davalı territoriya olaraq eki renknen boyalanğan. Ancaq biz, bu epbir qabul etilmesi imkânsız, dep sayamız. Qırım Ukraina toprağı olaraq kösterilmeli ve buña isbat olaraq, Qırım Ukraina toprağı olğanını köstergen halqara uquq bar», – dep iza ete elçi.

Bu afta Ukraina elçisi Çehiyada basılğan bu şekildeki haritalar meselesini muzakere etmek içün haritanı derc etken muellif şirketniñ reberlerinen körüşecegini de ilâve etti.

Çehiyanıñ eñ büyük naqliyecisi olğan «Çehiya demiryolları» yerli naqliyeci, zenaat birlikleri ve siyasetçilerge qomşu Rusiye renklerine boyalanğan İŞİD ve Qırım haritası olğan kündelik defter teklif etti.

Çehiya demiryolları içün hatalı haritanı bastırğan şirket bunı azırlar eken, haritacılıq qaydelerine istinaden 2018 senesi içün derc etilgen Avropa resmiy haritasını işletkenini bildirgen.

Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada ilhaqını inkâr etip, buña «tarihiy adaletniñ tiklenmesi» dey.Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti.

XS
SM
MD
LG