Dekabrniñ 4-nde Aqmescitte Rostov okrugı seyyar mahkemesiniñ oturışuvında mahkeme «Yaltadaki Hizb ut-Tahrir işi» figurantlarınıñ tevqif müddetini 2018 senesi mayıs 27-ne qadar uzattı.
Bunı Qırım.Aqiqat muhbiri bildire.
Tevqif müddeti Muslim Aliyev, Emir-Useyin Kuku, Vadim Siruk, Enver Bekirov, Refat Alimov ve Arsen Cepparovğa uzatıldı.
Rusiye prokurorı, «qabaatlanğanlar iş boyunca delillerni yoq ete bile, şaatlarğa tesir ete bile, mahkemeden qaça bilecekler
Dekabrniñ 4-nde Aqmescitte Rostov okrugı seyyar mahkemesiniñ oturışuvında mahkeme «Yaltadaki Hizb ut-Tahrir işi» figurantlarınıñ tevqif müddetini 2018 senesi mayıs 27-ne qadar uzattı.
Bunı Qırım.Aqiqat muhbiri bildire.
Tevqif müddetini Muslim Aliyev, Emir-Useyin Kuku, Vadim Siruk, Enver Bekirov, Refat Alimov ve Arsen Cepparovğa uzattılar.
Rusiye prokurorı, «qabaatlanğanlar iş boyunca delillerni yoq ete bile, şaatlarğa tesir ete bile, mahkemeden qaça bilecekler»ini sebep olaraq kösterdi. Advokatlar, devlet qabaatlayıcısı fikirni tasdiqlağan vesiqalı deliller taqdim etmek yerine yalıñız öz tahminlerini bildirdi deye, mahkemeden azatlıqtan marum etüv tedbiriniñ ev apisine deñiştirilmesini istediler.
«Yaltadaki altılıq»nıñ işi boyunca tahqiqat tamamlandı. Yaqın vaqıtta Rostov okrugınıñ arbiy mahkemesi işniñ özüni baqıp başlaycaq.
Azırlıq mahkeme oturışuvınıñ vaqtı ve yeri, dekabr 11 künü saat 10:00 (Kyiv vaqtı boyunca 09:00) Rostov okrugınıñ arbiy mahkemesi olaraq tayin etildi.
Yaltadaki «Hizb ut-Tahrir işi»niñ fiqurantları Arsen Cepparov ve Refat Alimov 2016 senesi aprelniñ 18-nde Qızıltaşta (Krasnokamenkada) yaqalanğan soñ apiste bulunalar. Yaltadaki «Hizb ut-Tahrir işi» boyunca qabaatlanğanlarnıñ ilk dörtü 2016 senesi fevralniñ 11-nde tevqif etildi. Bular: İnsan aqları boyunca alâqa grubunıñ azası Emir-Useyin Kuku, qurucılar olıp çalışqan Aluşta sakini Muslim Aliyev ile Qızıltaş köyüniñ sakini Enver Bekirov ve Yaltada yaşağan çiçek satıcısı Vadim Siruk.
Rusiye FSB tahqiqatçıları Yaltadaki «Hizb ut-Tahrir işi»niñ figurantlarını, Qırım yarımadasında şeriyat mahkemesini (İslâm qanunları boyunca faaliyet köstergen mahkeme – QA) meydanğa ketirdi dep sayalar, bildire Qırım jurnalisti Şevket Namatullayev.
Halqara siyasiy İslâm teşkilâtı «Hizb ut-Tahrir»niñ vekilleri öz vazifesini, bütün musulman devletlerini bir İslam hilâfeti içinde birleştirilmesinde köreler. Lâkin olar buña irişmek içün terroristik usullarınıñ qullanıluvını red ete ve Rusiyede aqsız yerde taqip etilgenlerini aytalar. Rusiyeniñ Yuqarı mahkemesi 2003 senesinde «Hizb ut-Tahrir»ni «terroristik» olaraq tanılğan 15 birleşmeniñ cedveline kirsetip, yasaq etti.
Qırımda Rusiyeniñ ilhaqından soñ mustaqil jurnalistler, vatandaş faaliyetçileri, qırımtatar milliy areketiniñ faaliyetçileri, Qırımtatar Milliy Meclisiniñ azaları ve Rusiyede yasaq etilgen «Hizb ut-Tahrir» teşkilâtınen alâqası bar dep zan etilgen Qırım musulmanlarınıñ evlerinde ketken sayın daa sıq surette tintüvler yapıla.
