Ukraina devlet işhanesi olğan «Ukrpoçta» İsmail Gasprinskiy adına geostrategiya institutınen birlikte, qırımtatar halqı Birinci Qurultayınıñ 100-yıllığına bağışlanğan zarf çıqardı. Bu hususta institutnıñ Facebook saifesinde haber etilmekte.
Ukraina informatsion siyaset nazirligi Qurultay ne olğanı ve qırımtatar milliy areketi içün onıñ tarihiy emiyeti aqqında ikâye etmek maqsadınen media kampaniya çalıştırıp başladı.
Qırımtatar halqınıñ Qurultayı -bir milliy qurultay olaraq, qırımtatar halqınıñ yüksek temsiliy organı sayıılmaqta.
1917 senesi dekabr ayında qırımtatar halqınıñ Qurultayı mavı tüstesi milliy bayrağını, Qırım hanlarınıñ taraqlı altın tamğa şeklindeki tuğrası ve milliy gimnini tasdıqlağan edi.
Dekabrniñ 6-nda Yuqarı Şura qırımtatar halqı Birinci Qurultayınıñ 100-yıllığına bağışlanğan tantanalı toplaşuv ötkerecek.
