Link açıqlığı

Psiholog: «Qırımnıñ içkileşmesi seviyesine Rusiye ve Donbasstan köçip kelgenler tesir etti»


Rusiye ve Donbass sakinleriniñ kütleviy köçüp kelmesi ve ruhiy tüşkünlik sebebinden Qırım ve Aqyarda daa çoq içki içip başladılar. Bu fikirni Qırım.Aqiqat Radiosınıñ canlı yayında, «Ayınıq Rusiye» («Trezvaya Rossiya») leyhası tarafından azırlanğan «Milliy ayınıqlıq reytingi – 2017»ni izalar eken Ukraina psihologı Larisa Voloşina söyledi.

«Ayınıq Rusiye»niñ reytingine köre söñki üç yıl içinde Qırım ve Aqyarda bir qaç qat ziyade içip başlağanlar emiş – bu ise pek şubheli. Faqat unutmamalıdır ki, anda demografik vaziyet deñişti: bir top adam çıqıp ketti, olarnıñ yerine ise başqalar keldi – esasen Rusiye Federatsiyasından, em de yarım millionğa yaqın kişi. Ondan ğayrı Qırımğa Donbasstan pek çoq adam keldi. Anda içki içüv adeti başqa edi. Yarımadanıñ özünde ayat bayağı deñişti, bunı ise ealiniñ içkileşmesine ketirgen psihologik faktor demek mümkün», – dep qayd etti psiholog.

Daa evel «Ayınıq Rusiye» leyhası, «Milliy ayınıqlıq reytingi – 2017»de Qırım ve Aqyar tutqan yerleriniñ yamanlaşqanını bildirdi. Onıñ malümatına köre, bir yıl içinde Qırım reytingde 23 satır aşağı tüşti. Bıltırki 29-ncı yerden o, bu yıl 52-nci yerge kelip toqtadı. Aqyar ise 21 satır aşağı tüşip, 41-nci yerge keldi.

XS
SM
MD
LG