Link açıqlığı

Türkiye Prokuraturası, Gülen ile alâqaları olğanını zan etip, üç yüz arbiy hadimniñ tevqifi içün orderler berdi


Türkiye Prokuraturası, din erbabı Fethullah Gülenniñ ordudaki ihtimallı tarafdarlarına qarşı yapılğan operatsiya esnasında 360 adamnıñ yaqalanması içün orderler berdi.

Noyabrniñ 29-nda Anadolu devlet agentliginiñ bildirgenine köre, İstanbulda yapılğan operatsiya vaqtında yaqalanğan şahıslarnıñ 333-ü arbiy hadimler olıp, olarnıñ 216-sı hizmet hadimleridir. Türkiyeniñ ticariy kütleviy haber vastaları, yaqalanğanlarnıñ 7-si pilot edi, dep bildireler.

Anadolu agentliginiñ malümatına köre, al-azırda, prezident Recep Tayyip Erdoğan tarafından ülkede bıltırki devrim teşebbüsinde qabaatlanğan Gülenniñ tarafdarlarını tayin etüv boyunca operatsiya keçirilmekte. Gülen qabaatlavlarnı red ete.

Gülenneñ alâqaları içün 50 biñden ziyade kişi yaqalandı, 150 biñi işten çıqarıldı ya da devlet ve şahsiy iş sektorlarındaki vazifelerinden azat etildiler.

Keçken afta munasip tahqiqat areketleri esnasında 700 kişi yaqalandı.

Ğarbiy ittifaqdaşlar ve aq-uquq qoruyıcıları, Ankaranıñ, tahqiqatnı muhaliflerge qarşı küreşmek içün qullanğanı munasebeti ile raatsız olğanlarını bildireler.

XS
SM
MD
LG