İlhaq etilgen Qırımğa Keriç boğazından keçken köpürniñ qurucılığı bitken soñ, Rusiye federal bücetinden hususiy para berilüvi bütünley kesilecegini beklemek mümkün. Bu aqta Qırım.Aqiqat Radiosı efirinde rusiyeli iqtisatçı, «Gorizont» idareci şirketiniñileri talilcisi Vladimir Rojankovskiy söz yürsetti.
«Qırımda Keriç köpüri bitken soñ, global bir şey beklemege mana yoq. Andaki bank sisteması pek murekkep vaziyette, çünkü büyük banklarnıñ ekseriyeti yarımadadan çekildi. Elektrik tolusınen keçirilgen ve esas topraq arasındaki bağ tiklengen ise, daa evel ilân etilgeni kibi, Qırım umumiy maliyeviy yardım shemasına keçecek», – dep qayd ete iqtisatçı.
Rojanovskiyniñ sözlerine köre, köpür qurulğan soñ federal maqsatlı programmalar boyunca ayırılğan ilâve para berilüvi kesilecek.
Rusiyeli KHV daa evel Keriç boğazından keçken deñiz qısmında qurulğan dört dane keçişniñ birindeki araba yolunıñ bir qısmındaki kemerler yerleştirilgeni aqqında haber etken edi.
Ukraina prezidenti Petro Poroşenko sentâbrniñ 29-nda ilhaq etilgen Qırımda Keriç köpüri qurucılığına başlağanı sebebinden Rusiye qarşı dava açılmasını avale etken edi.
Bundan evel Rusiye ükümeti Keriç boğazındaki köpürniñ demir yol qısmınıñ vaqtınca açılmasını bir yılğa qaldırdı – 2018 senesi dekabr ayından 2019 senesi dekabr ayına.
Ukraina tarafı 2014 senesi Qırım işğalinden soñ Rusiye ile köpür qurucılığı añlaşmasından ayırıldı.
