Qırımda bu yılnıñ başından itibaren eali arasındaki ölüm seviyesi tüşti. Bu aqta Rusiye nezaretindeki Qırım sağlıq nazirliginiñ matbuat hızmeti bildirmekte.
«Qırımda 1000 kişi üzerinden esaplanğanda başına 2017 senesi yanvar-sentâbr aylârı arasında ölgenler seviyesi 3,9%gece tüşip, 14,6-ni teşkil etti (2016 -15,2). Ölgenlerniñ sayısı 2017 senesi doquz aylıq muddet içinde tam olaraq 20,8 biñ insannı teşkil etken ve bu - 2016 senesi doquz ay içinde ölgen 21,6 biñ insan sayısına köre 721 daa azca», – denilmekte haberde.
Qırım Sağlıq nazirligi ölgen balalar sayısı 5,3%gece tüşkeni aqqında beyan ete.
