Link açıqlığı

Özbekistannıñ bütün musafirhanelerinde Quran ve namazlıq bulundırılacaq


Özbekistannıñ bütün musafirhanelerinde diniy kitaplar, hususan Quran ve namazlıqlar bulundırılacaq. Bu aqta Özbekistannıñ turizm boyunca Devlet komitetinden alınğan malümatqa bazanğan Azatlıq Radiosı haber etmekte.

Mütenasip qaydeler 2018 senesi yanvarniñ 1-nden itibaren küçke kirecek.

Akimiyetniñ malümatına köre, bu yañılıq «Özbekistannı ziyaret etecek musafirlerge diniy merasimlerini eda etmekte qolaylıq yaratılması içün yapılmaqta».

Musafirhanelerde İncil ve Tevrat da bulundırılması beklene.

Özbekistan Anayasası diniy ve itiqat serbestligi garantiyası berse de, din serbestligi bayağı sıñırlı olıp, akimiyetniñ şiddetli nezareti altında bulunmaqta.

XS
SM
MD
LG