Link açıqlığı

Qırım sakinleri cöremeler sebebinden topraq paylârından vazgeçmege azır – Cepparov


Qullanılmağan topraq damartı saibi olğan Qırım sakinleri cöremelerden qorqaraq, öz topraq damartılarından vazgeçmege azır. Qırım.Aqiqatqa bu aqta, insan aqları boyunca Qırım kontakt gruppasınıñ koordinatorı Abdureşit Cepparov haber etti.

«Ekseriyetniñ toprağı boş, köy halqı zengin degil, onıñ içün evinden bir qaç çaqırım uzaqta olğan topraq damartısını işlemege er kesniñ taqatı yoq. İşte bu sebepten eyi zamanlarnı beklegen topraq boş tura. Rusiye qanunlarına köre bu topraqnıñ tutıp alınma telükesi bar», – dep bildirdi o.

Onıñ sözlerine köre, topraq saibi ilk-evelâ bu topraq işlenmesi kerekliginen bağlı bir buyruqnen beraber cöreme töleme mecburiyeti ala.

«Buyruqqa uyulmağan taqdirde, ğayrıdan daa bir cöreme kesile ve topraq tutıp alınuv protsedurası başlatıla», – dey Cepparov.

Topraq saiplerinden işlenmegen, baqılmağan ya da maqsadqa uyğun qullanılmağan topraq damartılarınıñ tutılıp alınması, Rusiye Qırımnı ilhaq etken soñ pek sıqlaşıp başladı.

Oktâbr ayında Aqyar sakinleri, faallerniñ sözlerine köre, vatandaşlarnıñ hususiy mülk aqqını bozğan «rusiyeli memur ve mahkemelerniñ zulumına» qarşı miting keçirgen edi.

Aqyarnıñ rusiyeli akimiyeti topraq damartısı saipleriniñ topraqlarını tutıp almaqnen bağlı yüzlernen dava açqandır. Rusiyeli memurları aytqanına köre, Qırım işğalinden evel Ukraina akimiyeti « insanlarğa topraqnı «qanınsız» bergen eken».

XS
SM
MD
LG