Link açıqlığı

Poroşenko Qırımda Veciye Kaşkanıñ ölümi aqqında: Rusiye cevapkâr olmalı


Ukraina prezidenti Petro Poroşenko, ilhaq etilgen Qırımda ötkerilmesi esnasında qırımtatar milliy areketiniñ veteranı Veciye Kaşka ölgen, Rusiye telükesizlik hadimleri tarafından faaliyetçilerniñ yaqalanuvını taqbih etti.

Brüsselde bulunğan Poroşenko: «Biz buña barışıq münasebet kösterip oturmamız. Rusiye bu dehşetli areketler içün cevapkâr olmalı. Qırımtatar halqını qorçalamaq içün tek bir yol bar – Qırımnıñ Rusiye işğalcilerinden azat etilmesidir», – dedi.

Bir grup qırımtatar faaliyetçileriniñ yaqalanuvı esnasında qırımtatar milliy areketiniñ veteranı Veciye Kaşka yaramay oldı. Adiseniñ yüz köstergen yerinden onı «acele yardım» alıp ketti. Daa soñra qadınnıñ vefatı aqqında haberler keldi.

Qırımtatar milliy areketiniñ faaliyetçisi Nariman Celâl, bir grup qırımtatar faaliyetçileriniñ yaqalanmasına sebepçi olğan Türkiye vatandaşı, qırımtatar milliy areketiniñ veteranı Veciye Kaşkanıñ qorantasından para hırsızladı, dey.

İşğal etilgen Qırımdaki FSB idaresi, yaqalanğan faaliyetçilerni, Türkiye vatandaşından «hususan büyük miqdarda mal-mülk veya para talap etüv»de qabaatlay.

Rusiye tarafından yapılğan ilhaqından soñ Qırımda mustaqil jurnalistler, vatandaş faaliyetçileri, qırımtatar milliy areketiniñ faaliyetçileri, Qırımtatar Milliy Meclisiniñ azaları ve Rusiyede yasaq etilgen «Hizb ut-Tahrir» teşkilâtınen alâqası bar dep zan etilgen Qırım musulmanlarınıñ evlerinde sıq-sıq tintüvler yapıla.

Ukraina ve halqara cemaatçılığı Rusiyege defalarca muracaat etip, ilhaq etilgen Qırımdaki taqiplerini toqtatmağa davet ettiler.

XS
SM
MD
LG