Link açıqlığı

Aqmescitte yaqalanğan üç qırımtatarğa advokatlarnı yıbermeyler. Şimdi munasip vesiqalarnı azırlav işleri yapıla.

Bunı Qırım.Aqiqatqa advokat Edem Semedlâyev söyledi.

«Men yaqalanuv yerinde, Vorovskogo soqağında bulunam. Bizni şimdilik yaqalağanlarğa yibermeyler. Yaqalanğanlar grubu bu yerde, munasip vesiqalar tertip etile», – dedi advokat.

Noyabrniñ 23-nde kündüz ilhaq etilgen Aqmescitte, Türkiye vatandaşından «hususan büyük miqdarda mal-mülk veya para talap etüv»de qabaatlanalar deye, bir qaç qırımtatar faaliyetçisi yaqalandı.

Rusiye telükesizlik memurları şimdilik açıq menbalarda bu hususta izaat bermediler.

Rusiye tarafından yapılğan ilhaqından soñ Qırımda mustaqil jurnalistler, vatandaş faaliyetçileri, qırımtatar milliy areketiniñ faaliyetçileri, Qırımtatar Milliy Meclisiniñ azaları ve Rusiyede yasaq etilgen «Hizb ut-Tahrir» teşkilâtınen alâqası bar dep zan etilgen Qırım musulmanlarınıñ evlerinde sıq-sıq tintüvler yapıla.

XS
SM
MD
LG