Link açıqlığı

İlhaq etilgen Aqmescitte, Türkiye vatandaşından «hususan büyük miqdarda mal-mülk veya para talap etüv»de qabaatlanalar deye, bir qaç qırımtatar faaliyetçisi yaqalandı.

Bunı Rusiyeniñ Qırımdaki FSB idaresine sıltavda bulunıp «Krıminform» bildire. TASS ile «RİA Novosti» haber agentlikleri bu haberni tasdiqlaylar.

Kütleviy haber vastaları, Rusiye İçki işler nazirliginiñ ilhaq etilgen Qırımdaki idaresi qomşu Rusiye Cinaiy kodeksiniñ 163-nci maddesi 2-nci qısmı boyunca közde tutulğan cinayetniñ («Bir grup şahıslar tarafından aqsız yerde mal-mülk veya para talap etüv») alâmeti boyunca «cinaiy işni başladı», dep bildireler.

Rusiye telükesizlik küçleriniñ memurları şimdilik açıq menbalarda buña dair izaat bermediler.

Rusiye tarafından yapılğan ilhaqından soñ Qırımda mustaqil jurnalistler, vatandaş faaliyetçileri, qırımtatar milliy areketiniñ faaliyetçileri, Qırımtatar Milliy Meclisiniñ azaları ve Rusiyede yasaq etilgen «Hizb ut-Tahrir» teşkilâtınen alâqası bar deye zan etilgen Qırım musulmanlarınıñ evlerinde sıq-sıq tintüvler yapıla.

XS
SM
MD
LG