Link açıqlığı

Kyivde Qırımnıñ resmiy Twitteri taqdim etildi


Noyabr 22 çarşenbe künü Kyivde «Qırım Evi» binasında Qırımnıñ resmiy Twitter saifesi taqdim etildi. Bunı Qırım.Aqiqat muhbiri bildire.

«Qırım Evi»niñ program müdiri Alim Aliyev taqdim etüv esnasında: «Biz Qırımnıñ resmiy Twitterini taqdim etmek isteymiz. Onda biz halqara auditoriyası içün Qırım haberlerni ingliz tilinde yazamız», – dedi.

Onıñ aytqanına köre, Twitter saifesinde yarımada ile alâqalı olğan haberlerni oqumaq mümkün.

Ukrainanıñ Yuqarı Radası 2014 senesi fevralniñ 20-sini, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti. 2015 senesi oktâbrniñ 7-sinde Ukraina prezidenti Petro Poroşenko munasip qanunnı imzaladı. Halqara teşkilâtları Qırımnıñ işğali ve ilhaqını qanunsız tanıp, Rusiyeniñ areketlerini taqbih ettiler. Ğarp ülkeleri bir sıra iqtisadiy sanktsiyalar qullandı. Rusiye, yarımadanı işğal etkenini red etip, oña «tarihiy adaletniñ tiklenmesi», dey.

XS
SM
MD
LG