Noyabrniñ 21-nde onlarnen faaller Menlik İnqilâbı munasebetinen Kyivniñ merkezinde toplaştı. Azatlıq Radiosınıñ muhbiri bildirgenine köre, aktsiya iştirakçileri eki dane çadır qurğan.
Küç idaresi hadimleri çadır qurulmasına keder etecek olğaMenlik nları içün, qavğa çıqqan. Soñradan uquqqoruyıcılar çadır qurulğan yerden çekilgenler.
Al-azırda aktsiya devam etmekte. Miting iştirakçşleri akimiyetten Maydan iştirakçşilerine qarşı cinayet işlegenlernen bağlı taqiqat boyunca esap berilmesini ve bu cinayetler sebepçileriniñ cezalanmasını talap etmekte.
2013 senesi noyabrniñ 21-nde Ukrainada Yevromaydan dep adlandırılğan narazılıq aktsiyaları başlanğan edi. Soñradan bu vaqialar Menlik İnqilâbı dep adlandırıldı. Ukraina Baş prokuraturasınıñ malümatına köre, Yevromaydan devamında 2000 biñden ziyade insan zararlana, olardan 104 insan elâk ola. Olarnıñ ekseriyeti 2014 senesi fevralde elâk olalar. Narazılq aktsiyalarınıñ qurbanları Kök Yüzü Qaramanları dep anlandırılmaqta.
