Link açıqlığı

Ava bozulğanı sebebinden Keriç parom keçiti işini toqtattı, dep bildire noyabrniñ 21-nde «Morskya dirterktsiya» adlı Keriç gemi keçitiniñ operatorı.

Daa evel naqliyeci şirket yolcularnı, Keriç boğazındaki keçişte çalışqan paromlarnıñ areketi vaqtınca toqtatılması mümkün olacağı aqqında tenbiyelegen edi.

Qırımdaki Rusiye MÇS idaresi noyabrniñ 20-22-nde küçlü yağmur ve qar yağıp, küçlü yel esecegi aqqında acele tenbiyelev ilân eteken edi.

Keriç boğazındaki parom keçiti Qırımnı Rusiye Federatsiyasınıñ Krasnodar ülkesi ile birleştirgen esas naqliye damarıdır.

Ukraina qanunlarına köre, Keriç keçiti üzerinden Qırımğa kiriş yasaq etile ve devlet sıñırını keçüv qaideleriniñ bozulması sayıla.

XS
SM
MD
LG