Aqmescit rayonındaki Bulğanaq köyünde mahkeme icracıları qırımtatarlar qorantasını evden çıqara.
Bunı noyabrniñ 20-nde qırımtatar faili Zair Smedlâyev Facebookta haber etti.
«Bulğanaq köyünde Komsomol soqağında, furuncılıq yanında, Seitnebiyevler ailesinde nevbetteki abrav ötkerile», – dep yazdı Smedlâyev.
Onıñ bergen malümatına köre, bu adise bir mahkeme qararınen bağlı. Şu qararğa binaen, qoranta evden çıqarılmaq kerek».
Qırım.Aqiqat vaqianıñ tafsilâtını ögrenmege tırışa.
Rus silâlı hızmetleri bu munasebetnen öz izaatını açıqlamadı.
Rusiye Qırımnı işğal etken soñ yarımadada qırımtatar failleri, muhalif ve ukrain tarafını tutqan cemaatçılar, diniy azlıq mesupları muntazam surette FSB tarafından tintile, sorğuğa çekile ve tutıla. Uquq qorçalayıcılar bu areketlerniñ siyasiy maqsatlarnen bağlı olğanını beyan ete.
