Link açıqlığı

Saatnıñ esas haberi

Rusiye Devlet Duması Aqyarda «halq drujinaları» aqqında qanun leyhasını birinci oqulışta tasdiq etti


Rusiye Devlet Duması Aqyarda «halq drujinaları» aqqında qanun leyhasını birinci oqulışta tasdiq etti. Bu aqta Rusiye parlamenti aşağı palatasınıñ saytında aytıla.

Vesiqağa binaen vatandaşlarnı «halq drujinasına» qabul etüv tertibiniñ tayin etilmesi közde tutula ve bunıñnen beraber polisniñ ştattan tış hadimi olmaq ve «halq drujinalarını» meydanğa ketirmek istegen vatandaşlar üzerindeki sıñırlamalar aqqında aytıla.

Bundan ğayrı vesiqada, halq drujinası azalarınıñ içtimaiy tertipniñ qorçalavı boyunca bütün tedbirlerde iştirak etken müddetleri içinde yerli öz-özüni idare etüv organlarına olarnı ayrı şahıslar olaraq sigorta etmek aqqı berile dep bildirile.

Qırımnıñ Rusiyege tabi akimiyeti soñki üç yıl devamında yerli sakinlerni, uquqqoruyıcı organlarğa yardım etmek maqsadınen «halq drujinaları»nı meydanğa ketirmege teşviq ete.

Baarde Kerçniñ memuriyeti, daa soñra Mayak ve Eltiygen (Geroyevskoye) qasabalarında göñülli yanğıncılar peyda olsunlar dep, yerli sakinlerni halq yanğından qorunma birleşüvini meydanğa ketirmege davet etti.

XS
SM
MD
LG