Link açıqlığı

Saatnıñ esas haberi

Aksönov BMT’niñ (OON) Qırımnen bağlı rezolütsiyası leyhasını «Rusiyege qarşı qullanılğan bir silâ» dep saya


Sergey Aksönov
Sergey Aksönov

Aksönov noyabrniñ 14-nde BMT (OON) Baş Assambleyası Üçünci komitetiniñ toplaşuvında qabul etilgen Qırımnen bağlı rezolütsiya leyhasını «Rusiyege qarşı alıp barılğan gibrid cenk silâsı» dep adlandırdı. Bu aqta Aksönov noyabrniñ 15-nde özüniñ Facebook saifesinde yazmaqta.

Onıñ sözlerine köre, bu vesiqa, şu cumleden suv, energiya ve naqliye blokadasını - «aslında Ukrainanıñ Qırımğa qarşı yapqan areketlerini maqul, dep körmekte».

«İnsan aqları mevzusı nevbetteki sefer Rusiyege qarşı alıp barılğan gibrid cenkte silâ olaraq qullanılğanı açıq-aydın körünip tura. Bu BMT’niñ itibarını sarsmaqta, dep belleyim», – dep qayd ete Qurımnıñ rusiyeli yolbaşçısı.

Noyabrniñ 14-nde New-Yorkta keçken BMT (OON) Baş Assambleyası Üçünci komitetiniñ toplaşuvında işğal altındaki Qırımda insan aqlarınen bağlıqararınıñ yañartılğan leyhası qabul etilgen edi.

Qarar leyhasını Ukraina BMT (OON) Baş Assambleyası Üçünci komitetiniñ kâtibiyetine 2017 senesi oktâbr ayındataqdim etken edi. Anda Rusiyeden BMT (OON) Halqara Adalet Mahkemesiniñ Qırımda qırımtatar halqınıñ Milliy Meclisi yasağınıñ lâğu etilmesi, yarımadada ukrain ve qırımtatar tillerinde tasil alınuvı teşkil etmesinen bağlı muvaqqat tevsiyeler yerine ketirilmesi talap etilgen edi.

Ukraina prezidenti Petro Poroşenko, BMT Baş Assambleyasınıñ Üçünci kömütet toplaşuvında qabul etilgen Qırımda insan aqlarınıñ vaziyetinen bağlı qarar leyhasını alğışlap, Qırımnıñ azat etilmesi meselesinde Rusiye akimiyetine kösterilgen halqara birdemlik signalı olğanını qayd etken edi.

XS
SM
MD
LG