Salı künü BMT (OON) Baş Assambleyasınıñ Üçünci komitetinde «Qırım Muhtar Cumhuriyeti ve Aqtarda (Ukraina) insan aqlarınen bağlı vaziyet» qararınıñ yañartılğan leyhasına rey berilecek.
Bu aqta Ukrainanaıñ BMT (OON) daimiy temsilciliginiñ Twittirinde bilidirilmekte.
Qarar leyhası hususan, Ukraina ve Rusiye arasında halqara silâlı çatışma mevcut olğanı; Rusiye işğal etken topraqlarda öz qanunlarını retroaktiv tarzda qullanğanı ve Ukraina vatandaşlarını zorbalıqnen Rusiye vatandaşlığına keçirgeni;Rusiyeden BMT (OON)Halqara Adalet Mahkemesiniñ yarımadadaki Ukraina vatandaşlarınıñ aqqı ve azatlıqlarınıñ tiklenmesinen bağlı ara qararını yerine getirilmesine talap etkeni; işğalci Rusiye akimiyetinden ukrain ve qırımtatar tillerinde tasil alınuvını teşkil etmesine çağırğanı aqqındabildirilmekte.
Leyha ayrıca, BMT (OON) Ukraynadaki İnsan Aqları İzleme Missiyasınıñ Qırımğa kirmege aqqı olmağanını takbih ete, Missiyanıñ mütenasip mandatına baqmadan, Ukrainanıñ jurnalist ve insan uquqqoruyıcılarınıñ Qırımğa maniasız kiriş protseduralarını basitleştirme yolunda musbet qararlar alğanını bildire.
Vesiqada ayrıca, BMT (OON)Baş Kâtibinden bu qarar ükümleriniñ uyğulanması içün BMT (OON)strukturalarınıñ areketlerini koordinatsiya etilmesinen bağlı ricası bar.
Usulğa köre, qarar leyhası içün ilk evelâ BMT (OON)Baş Assambleyasınıñ Üçünci komitetinde, ondan soñ Baş Assambleyasınıñ umumiy toplaşuvında rey berilecek.
Rusiye Devlet Dumasınıñ halqara işler komitetiniñ azası Sergey Jeleznyak, beyannameniñ yañartılğan leyhasını izaatlar eken, vesiqa Rusiyeniñ mustaqilligine havf teşkil etkenini beyan ete.
