Link açıqlığı

Qırım akimiyeti Çiygoz – Umerov azat etilgen soñ, «26 fervral davasını» ne yapacağını bilmey


İlmi Umerov

Qırımtatar Milliy Meclisi reisiniñ muavini İlmi Umerov aytqanına köre, Ahtem Çiygoz azat etilgen soñ Qırımnıñ rusiyeli akimiyeti «26 fevral davasını» ne yapacaqlarını bilmey. Bu aqta o jurnalistlerge noyabrniñ 13, bazaertesi künü keçken matbuat konferentsiyasında bilidirdi.

«Açıq aytacaq olsam, Putin esas qabaatlı sayılğan Ahtem Çiygoznı af etken soñ, olar qalğanlarnı ne yapacaqlarını bilmeyler. FSBden daa iç bir emir kelmedi», – dep qayd ete Umerov.

«Rusiye Federatsiyası nezaretindeki Qırım mahkemeleri ve, ne yazıq ki, Qırım toprağı da de-fakto Rusiye Federatsiyası nezareti altında bulunmaqta. Olarnıñ mantığını añlatmaq pek qıyın ve mahkeme davası devam etken bizim yigitlerge ne yapılacağını tahmin etmek de pek qıyın», – dep ilâve etti Umerov.

Aqmescitniñ Kiyev rayon mahkemesi, qadınıñ başqa davada iştirak etkenini sebep köstererek, «26 fevral davasınen» bağlı mahkeme toplaşuvını noyabr 17-ne keçirgen.

«26 fevral davasınıñ» iştirakçisi olğan Mustafa Degermenci ve Ali Asanov 2016 senesi aprelniñ 6-ndan berli ev apisinde bulunmaqta. Daa evel olarAqmescitniñ SİZOsında tutulğan edi.

2015 senesi yarımadada qırımtatar faallerini 2014 senesi fevralniñ 26-nda Qırım Yuqarı Şurasınıñ binası ögünde Ukraina topraq bütünligine qoltutuv mitinginde iştirak etkenleri içün mahküm etmege başlağan ediler. Olar qalabalıqlarda iştirak etmekte qabaatlandı.

Soñra mahkeme «fevral 26 davasını»: Qırımtatar Milliy Meclisi reisiniñ muavini sıfatındaki Ahtem Çiygozniñ davası ve ayrıca esnasnıñ diger iştirakçileri olğan Ali Asanov, Mustafa Degermenci, Eskender Kantemirov, Talât Yunusov, Eskender Emirvaliyev, Arsen Yunusov ve Eskender Nebiyev davası olaraq, ekige bölgen edi.

Rusiye oktâbrniñ 25-nde Ahtem Çiygoz ve İlimi Umerovnı Türkiyege teslim etti.

XS
SM
MD
LG