Arheologlar işğal altındaki Qırımnıñ Bağçasaray rayonındaki Vilino (Alma-Tarhan) köyü etraflarında skit qalesiniñ qadimiy qapısını qazıp tapqanlar. «RİA Novosti» informatsion agentligine bu aqta «Neapol Skifskiy» tarihiy-arheologik qoruğınıñ müdiri Yuriy Zaytsev bildirgen.
«Bizler geomagnetik keşif yaparaq, perspektivli damrtını tayinledik. Ziyade bir garantiya yoq, lâkin qazma işleri esnasında kiriş qapısı qullesiniñ qalımtılarını taptıq. Olar millattan evel ekinci ve birinci asırğa ait. Bu bir ufaq şeer qalesiniñ araba qapısı», – dey Zaytsev.
Neşir yazğanına köre, tapılğan obyektniñ araba qapısına ait qullesiniñ temeli, imaye endegi qalımtıları ve taşlı duvarnıñ ufaq bir qısmı qalğan eken.
Ukraina medeniyet Nazirligi bir sıra halqara teşkilâtlarğa muracaaat etip, Rusiye arheologları ilhaq etilgen Qırımda alıp barmağa devam etken qanunsız qazma işlerine qarşılıq bilidrmelerini rica etecegi aqqında beyan etken edi.
Bundan evel, 2017 senesi fevral ayında, YUNESCO işleri boyunca Ukraina Milliy komissiyası ortaq devletlerden Rusiye ilhaq etken Qırımğa monitoring missiyası yollamasına çağırğan edi.
