Link açıqlığı

Saatnıñ esas haberi

Ukraina Milliy bankı qırımtatar halqı Qurultayınıñ 100-yıllığına bağışlanğan para çıqaracaq


Ukraina Milliy bankı ve İsmail Gasprinskiy adına geostrategiya institutı qırımtatar halqı birinci Qurultayınıñ 100-yıllığına bağışlanğan hatıra parası çıqaracaq. Milliy bank saytındaki haberde bildirilgenine köre, para 2017 senesi noyabrniñ 17-nden itibaren qullanılıp başlaycaq.

Paranıñ yüzünde Ukrainanıñ ufaq tuğrası, üzerinde qırımtatar halqı gimninden alınğan: «Ant etkenmen, söz bergenmen, millet içün ölmege..» sözleri yazılğan mavı tüsteki Qırım haritası yerleştirilgen. Altında qırımtatarlarınıñ tamğası tasvirlengen.

Paranıñ ters yüzündeki caminiñ arqa tarafında qırımtatar milliy Qurultayınıñ azaları tasvirlengen, daire boylap ukraince ve qırımtatarca: qırımtatar halqı birinci Qurultayı, 100 yıl, dep yazılğan.

«Qurultay işiniñ neticesi olaraq, Qırım Halq Cumhuriyetiniñ Anayasası qabul etile, qaysı bir milletke mensüp olğanına baqmadan, er kesniñ musaviy olğanı, qadınlarnıñ musaviy uquqqa saip olğanı ve demokratik azatlıq temelleri ilân etile», – denilmekte Ukraina Milliy bankınıñ haberinde.

Qırımtatar halqınıñ Qurultayı mavı tüstesi milliy bayrağı, Qırım hanlarınıñ taraqlı altın tamğa şeklindeki tuğrası ve milliy gimnini tasdıqlağa edi.

XS
SM
MD
LG