Rusiyeliler er kesten ziyade Rusiye prezidenti Vladimir Putinge (52,5 faiz), mudafaa naziri Sergey Şoygu (19,2 faiz) ve baş nazir Dmitriy Medvedevge (13,5 faiz) işanalar. Bu malümatnı Bütünrusiye ictimaiy fikrini araştırma merkezi (VTSİOM) derc etmekte.
Bu arada «antireytingke» LDPR yolbaşçısı Vladimir Jirinovskiy yolbaşçılıq yapmaqta. Sorav neticesine köre, rusiyelilerniñ 29 faizi, bu siyasetçiniñ muim qararlar qabul etmesi yasaq, dep saya.
Bunıñ arfesinde rusiyeli «Levada-tesentr» teşkilâtı, rusiyelilerniñ Vladimir Putinge nisbeten işanç reytingi 60, Şoyguğa ise – 30 faizni teşkil etkenini qayd etken malümatnı derc etken edi.
«Levada» oktabrniñ ortasında ilân etken neticelerine binaen, rusiyelilerniñ 2017 senesi devletniñ ordu ve hususiy hızmetlerine nisbeten işançı artqan eken.
