Yañı yıl ve Rojdestvo bayramlarında ukrainalılar 6 kün raatlanacaq, dep bildire «Uryadovıy kuryer». Yañı yıl raatlıq künleri dekabrniñ 30, cumaertesi kününden yanvarniñ 1, bazaertesi kününen beraber, üç künge uzatılacaq. Dekabrniñ 31 ve yanvarniñ 7-si bazar künlerine tüşkeni sebebinden, yanvarniñ 8 raatlıq künü olacaq.
«Böyleliknen yanvarniñ 6, 7 ve 8 raatlıq künleri olacaq. Bayramdan evelki raatlıq künü ya da iş künü bir saatqa qısqartılmaycaq», – denilmekte haberde.
Rusiyede ve işğal etken Qırımda Yañı yılda 10 kün tatil olacağı qararlaştırılmaqta.
