Link açıqlığı

Çubarov: «Qırımda yol qazasında eki yurtdaşımız elâk oldı»


Qırımtatar Halqınıñ Milliy Meclisi reisi Refat Çubarov Facebookta, ilhaq etilgen Qırımda Qırımtatar Halqınıñ Milliy Qurultayı vekili Server Mennanov ve sportçu – trener Ruslan Usmanovnıñ yol qazasında elâk olğanlarını bildirdi.

«Qırımda yol qazasında Server Mennanov ve Ruslan Usmanov elâk oldılar. Qırımtatar Halqınıñ Meclisi adından ve öz adımdan Qırımtatar Halqınıñ Qurultayı vekili Server Mennanov ve sportçu – trener Ruslan Usmanovnıñ soyları ve yaqınlarına samimiyetle baş sağlığı tileyim», – dep yazdı Çubarov.

Sentâbrniñ 29-nda ilhaq etilgen Qırımda avtobus oğrağan yol qazasında 18 kişi zararlandı.

Sentâbrniñ 29-nda kündüz Qırımnıñ Yedi Quyu (Leninskiy) rayonı tarafından Keriçten on kilometr uzaqlığında Neoplan avtobusınıñ aydavcısı dümen kontrolini coyğanı içün avtobus alt-üst olıp avdarıldı.

Avtobus, Keriç keçidinde paromğa nevbetke turğanından tam vaqtında kelip olamağan 40 kişini alıp kelmekte edi.

XS
SM
MD
LG