Link açıqlığı

Poroşenko Basra körfezi ülkelerini daa faal surette qırımtatarlarnıñ aqlarını qorçalamağa davet etti


Poroşenko, Basra körfezi Arap devletleriniñ işbirligi şurasını ilhaq etilgen Qırımda qırımtatarlarnıñ aqlarını daa faal surette qolçalamağa davet etti.

Bunı o, Basra körfezi Arap devletleriniñ işbirligi şurasınıñ reisi Abdüllâtif bin Raşid Az-Ziyani ile körüşüvi esnasında söyledi, dep bildire Poroşenkonıñ haber hizmeti.

Körüşüv esnasında Ukraina devletiniñ yolbaşçısı “qırımtatar halqınıñ lideri Mustafa Cemilevni taqdim etti”.

Basra körfezi Arap devletleriniñ işbirligi şurasına Suudiy Arabistan, Bahreyn, Birleşken Arap Emirlikleri, Quveyt, Qatar ve Oman kireler.

Ukraina Yuqarı Radası 2014 senesi fevralniñ 20-sini Qırım ve Aqyarnıñ (Sevastopolniñ) vaqtınca işğali başlanğan künü dep ilân etti. 2015 senesi oktâbrniñ 7-sinde Ukraina prezidenti Petro Poroşenko münasip qanunnı imzaladı. Halqara teşkilâtlar Qırımnıñ işğali ve ilhaqını qanunsız dep tanıdı ve Rusiyeniñ areketlerini taqbih ettiler. Ğarp ülkeleri bir sıra iqtisadiy sanktsiyalar tatbiq etti. Rusiye işğalni red ete ve bunı “tarihiy adaletniñ tiklenilmesi” depadlandıra.

XS
SM
MD
LG