İşğal altındaki Qırımnıñ rusiyeli akimiyeti noyabrniñ 1-nde gece Qırım memuriy sıñırını qapattı. Bu aqta Ukraina Devlet sıñır hızmeti ve Ukraina içki işler Nazirligi haber etmekte.
«Bügün gece saat 1:30da, Qırım Muhtar Cumhiyetinde yerleşken işğalçilerniñ hızmetleri, vaqtınca işğal etilgen yarımadanen Ukraina arasındaki memuriy sıñırdan transport vastaları ve insanlarnıñ keçişini qapattı. Sebepleri belli degil, çünki yarımadadan kelgenler de keçip olamay», – denilmekte MVDniñ haberinde.
Rusiyeli KHV, qomşu Rusiyeniñ Terrorğa qarişı küreş milliy komitetiniñ malümatına bazanaraq, noyabrniñ 1-nde Aluştada gaz yolağı zarar körgeni sebebinden, Yalı boyunda yaşağan biñden ziyade insan gazsız qalğanını bildirdi.
Qırımlı uquq qorçalama hızmetleri «diversiya da şu cumleden olmaq üzre çeşit türlü versiyalar olma sebebini araştırmaqtalar».
TASS «Kremgazseti»de tasdıqlanğanını aytıp , «yaqın künlerde Qırımnıñ cenübinde gaz teminlevi tiklenecegi aqqında» bildirmekte.
