Apisten azat etilgen Qırımtatar Milliy Meclisi reisiniñ muavini Ahtem Çiygoz, Qırım devlet terrorı altında bulunğanı aqqında ayttı. Bu aqta o oktâbrniñ 31-nde Qırmdaki insan aqlarınen bağlı BMT (OON) Telükesizlik Şurası leyhasınıñ qararınen bağlı brifingte söz yürsetti.
«Biz er şeyni olğanı kibi aytmaq kerekmiz. Qırım devlet terrorı alrında bulunmaqta. Anda «qanun» sözünen bağlı ya da oñ ayaqın iç bir şey yoq. Muim taraflarınmdan biri de – Qırımnı terk etmege mecbur etilmesi», – dedi o.
2017 senesi aprelniñ 19-nda BMT (OON) Halqara mahkemesi işğal altındaki Qırım sakinleriniñ aqlarını imaye etmek maqsadınen, «Ukraina Rusiyege qarşı» davası boyunca muvaqqat qarar qabul etmege razı olğan edi. Mahkeme, ukrainalılarnıñ aqlarına tüzetmesi imkâsız olğan zarar berilgenine dair misaller olğanınen bağlı qarar qabul etken edi.
İşğal altındaki Qırımda BMT (OON) közeticileri insan aqları ve halqara insaniy aqlarnıñ bozulmasınen alâqalı keniş yelpaze misallerini qayd etmekte. Söz yaşama, şahşiy toqunmamazlıq ve azatlıq, ayrıca ictimaiy-iqtisadiy aqlarınıñ bozulması aqqında yürsetilmekte.
İşğal altındaki Qırımda mahküm etilgen Ahtem Çiygoz ve İlmi Umerov oktâbrniñ 25-ndeTürkiyege teslim etilgen edi.
Ğayrı resmiy malümatqa köre, Ahtem Çiygoznen İlmi Umerovnıñ teslim etilmesi boyunca Türkiye Cumhuriyetiniñ prezidenti Recep Tayyip Erdoğannıñ Rusiye prezidenti Vladimir Putinnen yapqan soñki körüşüvi esnasında añlaşqanlar.
Rusiye Devlet Duması, prezident Vladimir Putinden qırımtatar milliy areketiniñ liderleri İlmi Umerov ve Ahtem Çiygoznıñ afu etilmesini, Qırım musulmanlarınıñ müftisi Emirali Ablayev rica etken eken dep ayta.
