İşğal altındaki Qırımnıñ Angara dağ keçişinde oktâbrniñ 31-nde birinci qar yağdı, dep bilidire Qırım.Aqiqatnıñ muhbiri.
Aqmescit-Yalta yolunda saba erte yolnıñ dağ keçişi qısmında areket felç olğan edi.
Keççe Rusiyeniñ Qırımdaki MÇS hızmeti areket ğayrıdan tiklengeni aqqında haber etti.
Yeşil yapraqlar üzerinde birinci qar daneleri: Angara dağ keçişine qış bastırıp keldi (fotoresim galereyası)
Qırımlı qurtarıcılar qar toplanması mümkün olacaq yol qısımlarını nezaret altında tutqanları aqqında esabat berdi.
Bunıñ arfesinde qomşu Rusiyeniñ MÇS hızmeti, oktâbrniñ 31-nde Qırımda dağlarda fırtınalı yağışlarnen beraber küçlü boran esip, qar yapıcaşması şekilde avanıñ bozulması beklengeni aqqında haber etken edi.
