Link açıqlığı

Klimkin: oktâbrniñ 31-nde Ukraina Qırımda insan aqlarınen bağlı leyha qararını taqdim etecek


Oktâbrniñ 31-nde Ukraina, işğal altındaki Qırımda insan aqlarınen bağlı BMT (OON) Telükesizlik Şurası leyhasınıñ qararını taqdim etecek. Bu aqta oktâbrniñ 30-nda İspaniya tışqı işleri ve işbirligi naziri Alfonso Dastis ile keçirilgen körüşüv neticesinde yapılğan brifingte, Ukraina tışqı işler naziri Pavel Klimkin beyan etti.

«Yarın bizler işğal altında bulunğan Qırmdaki insan aqlarınıñ vaziyetinen bağlı yañartılğan pek küçlü ve sert leyha qararınen çıqış yapacaqmız.Qarar halqara ve insaniy yardım teşkilâtlarını işğal altındaki Qırımğa kirsetmegen Rusiye areketlerini mahküm etmek kerek», – dedi Klimkin.

Ukraina MİDiniñ yolbaşçısı, qarar Rusiyeni BMT (OON) Halqara mahkemesiniñ qararına uymasına çağıracağını qayd etti.

2017 senesi aprelniñ 19-nda BMT (OON) Halqara mahkemesi işğal altındaki Qırım sakinleriniñ aqlarını qorçalama maqsadınen, «Ukraina Rusiyege qarşı» davası boyunca muvaqqat qarar qabul etmege razı olğan edi. Mahkeme, ukrainalılarnıñ aqlarına tüzetmesi imkâsız olğan zarar berilgenine dair misaller olğanınen bağlı qarar qabul etken edi.

İşğal altındaki Qırımda BMT (OON) közeticileri insan aqları ve halqara insaniy aqlarnıñ bozulmasınen alâqalı keniş yelpaze misallerini qayd etmekteler. Söz yaşama, şahşiy toqunmamazlıq ve azatlıq, ayrıca ictimaiy-iqtisadiy aqlarınıñ bozulması aqqında yürsetilmekte.

Ukraina prezidenti Petro Poroşenko, sentâbrniñ 20-nde New-Yorkta keçken BMT (OON) General Assambleyasınıñ umumiy muzakereleriniñ 72-nci toplaşuvında, İşğal alştındaki Qırımda Rusiye akimiyeti tarafından başlatılğan repressiya siyaseti aqqında ikâye etip, halqara cemaatçılıqnı Kremlniñ bu areketlerine kelişken cevap bermesine çağırğan edi.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG