Link açıqlığı

«Musafir» qavesi Kyivniñ TripAdvisor müessiseler cedvelinde birinci yer aldı


«Musafir» qırımtatar qavesi Amerikanıñ TripAdvisor seyaatlar saytında Kyiv qavehaneleri cedvelinde birinci yerde tura. Bunı jurnalist, «KrımSOS» tesisçilerinden birisi Alim Aliyev Facebook saifesinde yazdı.

«Musafir» taqımını tebrikleyim... TripAdvisor azırlağan Kyiv qavehaneleri cedvelinde olar №1», – dep qayd etti Aliyev.

Qayd etmeli ki, Saksaganskogo, 57a adresindeki «Musafir» qavesi aqqında denile. Kyivde daa bir «Musafir» qanesi çalışa – Bogdan Hmelnitskiy soq., 3.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG