Link açıqlığı

Saatnıñ esas haberi

Meclis Rusiyeniñ yeudiy cemiyetleri federatsiyasına qarşı sanktsiyalar kirsetilmesini talap etecek


Qırımtatar Milliy Meclisiniñ reisi, Ukraina halq deputatı Refat Çubarov sanktsion cedvellerge Rusiyeniñ yeudiy cemiyetler federatsiyasınıñ kirsetilmesini talap etecek ola. Bunı Çubarov Radio Svoboda intervyüsında dedi. O, işğal etilgen Aqmescitte baş ravvin vazifesine Rusiyeniñ yeudiy cemiyetler federatsiyasınıñ yolbaşçısı Berl Lazarnıñ oğlu Yehezkel Lazarnıñ tayinlenmesini izaatladı.

«Anda Ukraina qanunlarına riayet etmeyip, Qırımnı Rusiyeniñ toprağı olaraq tanıp, vekillerini yollamaları olmaycaq bir şey», – dep qayd etti Çubarov.

Meclis reisi hatırlattı ki, Qırımda insan aqları bozula ve işğal etilgen yarımada «qırımtatar getto» ola. Onıñ fikirince, bir din cemiyeti anda temsilcilerini yollasa, «din kütkenlerge qarşı cinayet işley».

Yehezkel Lazar işğal etilgen Qırımğa köçkenini ve Aqmescit ravvini olğanını oktâbrniñ 4-de «Nezavisimaya gazeta» neşirine bildirdi.

Rusiyeniñ yeudiy cemiyetler federatsiyasınıñ yolbaşısı Berl Lazar ola. O, özüni Rusiyeniñ baş ravvini dep adlandıra. 2005 senesi Berl Lazar Rusiye prezidenti Vladimir Putinniñ buyruğı ile Rusiyeniñ Cemaat palatasınıñ azası olaraq tayinlengen edi.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG