Bağçasaraydaki Han Saray artında yerleşken arbiy memorialda sovet askerleriniñ ğayrıdan defin etilme merasimi ötkerildi. Olarnıñ arasında adı belgisiz yedi asker ve Tver vilâyetindeki çatışmada elâk olğan, ordunıñ baş komandanlığa bağlı 1224 topçular ihtiyat alayınıñ üyken leytenantı Bekir Umerov bar edi. Bu aqta Rusiye Devlet duması milletlerniñ işleri komiteti yolbaşçısınıñ yardımcısı Ruslan Balbekniñ saifesinde bildirilmekte.
Haber etilgenine köre, üyken leytenant Umerovnıñ qalıntıları 2017 senesi avgust ayında «Kurgan» qıdıruv taqımınıñ ekspeditsiyası esnasında taıplğan eken. Onıñ adı, safdaşları şişe içinde yazıp qaldırğan tezkere esasında belli olğan.
«Bizim komissar, qaraman-topçu, leytenant Umerov çatışmada elâk oldı», – denilgen tezkerede.
Ğayrıdan defin etüv merasimi arbiy itiramlar kösterilerek, diniy ananelerge uyğun şekilde keçirildi.
Aqyarda er yıl «Hatıra turuşı» keçirile. Mında qıdıruv taqımları yapqan işleri aqqında esabat berip, askerlerniñ qalıntılarını ğayrıdan defin eteler.
