Link açıqlığı

Borispol ava limanında Ahtem Çiygoz ve İlmi Umerovnen yapılğan körüşüvniñ ilk videosı


Qırımtatat Milliy Meclisiniñ muavini İlmi Umerov ve Ahtem Çiygoznı ketirgen uçaq oktâbrniñ 27-nde «Borispol» ava limanına kelip qondı.

Ava limanınıñ kirişinde olarnı Milliy Meclis yolbaşçısı Refat Çubarov, qırımtatar halqınıñ lideri Mustafa Cemilev ve Ukraina haber siyaseti naziriniñ vazifesini vaqtınca eda etken Emine Ceppar qarşıladı.

Umerov ve Çiygoznıñ qarşılanğanı aqqındaki videonı Emine Ceppar Facebbokta derc etti.

İlmi Umerov ve Ahtem Çiygoz Borispol ava limanında keçirgen ilk brifingini Azatlıq Radiosı ve Qırım.Aqiqat canlı yayın köstermekte.

Azat etilgen Qırımtatar Milliy Meclisiniñ muavini İlmi Umerov ve Ahtem Çiygoz oktâbrniñ 26-sı, cumamaqşamı künü Ankarada Türkiye prezidenti Recep Tayyip Erdoğan körüşken edi.

İşğal altındaki Qırımda mahküm etilgen qırımtatar milliy areketiniñ liderleri Ahtem Çiygoz ve İlmi Umerov oktâbrniñ 25-ndeTürkiyege teslim etilgen edi.

Ğayrı resmiy malümatqa köre, Ahtem Çiygoznen İlmi Umerovnıñ teslim etilmesi boyunca Türkiye Cumhuriyetiniñ prezidenti Recep Tayyip Erdoğannıñ Rusiye prezidenti Vladimir Putinnen yapqan soñki körüşüvi esnasında añlaşqanlar.

XS
SM
MD
LG