Link açıqlığı

Çiygoz ve Umerov Türkiyeden Kyivge kelip çıqtılar (canlı yayın)


Oktâbrniñ 27-nde Kyivniñ «Borispol» ava limanına Qırımtatat Milliy Meclisiniñ muavini İlmi Umerov ve Ahtem Çiygoznı ketirgen uçaq kelip çıqtı. Azatlıq Radiosı ve Qırım.Aqiqat canlı yayın yapmaqta.

Qırım.Aqiqat muhbiri bildirgenine köre, olarnı İlmi Umerovnıñ qızı Ayşe Umerova ve Ahtem Çiygoznıñ ömür arqadaşı Elmira Ablâlimova, advokat Nikolay Polozov, Qırımtatar Milliy Meclisiniñ azaları qarşılay. İşğal altındaki Qırımda mahküm etilgen İlmi Umerov ve Ahtem Çiygoz oktâbrniñ 25-nde kündüz künü Türkiyege teslim etilgen edi.

Ayşe Umerova haber etkenine köre, İlmi Umerov ve Ahtem Çiygoz Kyivge yetip kelgenlerinden soñ, olarnı ekimler tedqiq etip, kerek ilaçlarnı berecekler.

İşğal altındaki Qırımda mahküm etilgen qırımtatar milliy areketiniñ liderleri Ahtem Çiygoz ve İlmi Umerov oktâbrniñ 25-ndeTürkiyege teslim etilgen edi.

Türkiye prezidenti Recep Tayyip Erdoğan oktâbrniñ 26-sı, cumamaqşamı künü Ankarada azat etilgenlernen körüşken edi.

Ğayrı resmiy malümatqa köre, Ahtem Çiygoznen İlmi Umerovnıñ teslim etilmesi boyunca Türkiye Cumhuriyetiniñ prezidenti Recep Tayyip Erdoğannıñ Rusiye prezidenti Vladimir Putinnen yapqan soñki körüşüvi esnasında añlaşqanlar.

XS
SM
MD
LG