Link açıqlığı

Umerov ve Çiygoz azatlıqta – şok etken bir yañılıq. Beklenmegen qarardan ziyade ve, elbette, yalıñız olarnı şahsen tanığanlar içün degil de, biñlerce qırımlı içün pek quvançlı bir haber: meger rusiyeli cezalandırma maşnası keri de adım atabile eken. Amma aynı zamanda şaşamız ve o...

Ve o, Rusiye yıllarnen apishanede yatmağa mahküm etilgen bir insannı ne qadar qolaylıqnen azat etebile eken, dep tüşünesiñ. Aynı zamanda, oturtması da mümkün.

Qırımlı siyasiy mabüslarnı uçaqqa mindirip,olar andan Kyivge uçacağını bile turıp, Türkiyege yollaylâr. Şpion filminden alınğan süjet. Böyle bir areketniñ normal uquq saasınen asla birleşken tarafı yoq. Sıra Sentsovqa barıp yetse, belki de onıñ qaçmasına fursat berilir de, ondan soñ essiz alda o Vilnüske ketirilir. Eger Putin frau Merkelnen biraz barışmağa istese, tabi.

Lâqayd olğanlarğa, esirlerni satın alaraq, Putinnen bazarlıq yapmaq mümkün olğanını añlamağa fursat berile

Endiden soñ rusiyeli propagandacılar öz seyircilerine böyle qıyın, lâkin fevqulade bir yol vastasınen Putin Suriyedeki ğalebelerini sabitler, Moskva-İstanbul bağını küçlendirir, Türkiye-NATO munasebetleri arasına şına qaqar ve asılında böyle bir areketniñ maqsadı, Aksönovqa öz yerini bilip otursın degen mananı taşımaqtadır dep añlatmağa başlarlar. İşte böyleliknen olar, Qırım ve Rusiye tatarofoblarına kelip toqunğan can ağırtuv duyğularını içlerine kömgen olurlar.

Lâkin diger közeticiler Putin büyük bir yengillik ve atta, memnüniyetlik ile Rusiye qanun ve kodekslerine ayağını silgenine şaat olurlar. Bu dünya cemaatçılığı içün yapıla, çünki rusiyelilerniñ özüne bu iç bir şekilde tesir etmez. Qırımtatarlarınıñ mahkemelerini taqip etken ğarp ükümetleri içün ise – bam-başqa mesele. İlk başta olar nasıl etip te, daa işğal etilmegen Qırımda başqa devletniñ vatandaşlarını televizion efirinde aytqan bitaraf mulâazaları içün mahküm etip, apiske alınması mümkün olğanına şaşqan ediler. Şimdi ise, bunı qolaylıqnen nasıl tüzetmek mümkün olacağına qıymet kesecekler.

Yani lâqayd olğanlarğa, esirler ve qullarnı satın alaraq, Putinnen bazarlıq yapmaq mümkün olğanını añlamağa fursat berile.

Yan Sinitsın, qırımlı jurnalist

«Bloglar» rubrikasında bildirilgen fikir-tüşünceler müelliflerniñ noqtaiy nazarını aks ettirip, muarririyetniñ baqışlarınen bir olmaması mumkün.

XS
SM
MD
LG