Link açıqlığı

2017 senesi Ukraina aliy oquv yurtlarına bıltırğa nisbeten daa ziyade qırımlı oqumağa kirdi – ukrainalı memur


Ukraina aliy oquv yurtlarına (AOYU) sadeleştirilgen yol ya da umumiy tertipke köre, 2016 senesine nisbeten bu yıl daa ziyade qırımlı oqumağa kirgeni körünip tura, - dep bildire Ukraina maarif ve ilim Nazirligi aliy oquv tasili bölüginiñ ihtiyarındaki köçip kelgen AOYU şubesiniñ başlığı Svetlana Kretoviç. Böyle malümatnı o Qırım.Aqiqat Radiosı efirinde misal etip kösterdi.

«Keçken sene «Qırım - Ukraina» merkezleri üzerinden muvafaqiyetnen 153 kişi keçti, bu yıl ise – 204. «Donbass - Ukraina» merkezleri yardımınen 2016 senesi -855 kişi, 2017 senesi ise – 1346 kişi keçti. Ve bu yalıñız sadeleştirilgen vastanı qullanğan soylarıdır! Mektepni ekstern vastasınen de bitirip umumiy şartlar esasında kirmek mümkün edi. Kerçek, Ukrainada ekstern vastasınen oquğanlarnıñ sayısı bir buçuq qat arttı. Yani demek ki, esas Ukrainadaki AOYU kirgenlerniñ qırımlılarnıñ sayısı – 204-ten de ziayade», – dep qayd etti memur.

İşğal altındaki Qırımdan kelgen mektep mezunları Ukrainanıñ 12 dane AOYU oqumağa kirebile. Kyiv, Lviv, Dnipro, Herson, Harkov ve Zaporijjya AOYU esasında devlet «Qırım - Ukraina» maarif merkezleri teşkil etti. Yarımadadan kelgen mezunlar içün VNO bermeden kirmege fursat bergen sadeleştirilgen sistema çalışmaqta.

XS
SM
MD
LG