Link açıqlığı

Saatnıñ esas haberi

Rusiyede Keriç köpüniñ yarısı bitti denilmelte


Qurulayatqan köpürniñ kemeri, Keriç, 2017 senesi oktâbr ayı
Qurulayatqan köpürniñ kemeri, Keriç, 2017 senesi oktâbr ayı

Rosavtodor idarecileri Keriç köpürüniñ «50 faizden ziyadesi bitti» dep bildire. Bu aqta oktâbrniñ 25-nde qomşu Rusiyeniñ «Federal yol agentliginiñ» yolbaşçısı İgor Astahov söz yürsetti.

Onıñ sözlerine köre, Kreiç boğazında qurulğan köpür «bu yılnen kelecek yılnıñ eñ muim obyektidir», dep bildire TASS.

«2018 senesiniñ soñuna doğru maşna köpüri üzerinde maşnalar yürmesine izin berilecegine iç bir şube yoq», – dep qayd ete Rosavtodor yolbaşçısınıñ muavini.

Keriç boğazında köpür qurulması kerekligi aqqında Putin ta 2014 senesi işğalden soñ aytqan edi. Köpür 2018 senesine qadar qurulıp, 2019 senesi yaz aylarında - işke tüşürilecegi aqqında söz berilgen edi.

Ukraina Rusiyenen Keriç köpüriniñ qurulışı ile bağlı añlaşmadan 2014 senesi, Rusiye Qırımnı işğal etken soñ çıqtı.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG