Link açıqlığı

Saatnıñ esas haberi

Oktâbrniñ 25-nde Aqmescitniñ merkezinde Sovetler Birliginiñ eki defa qaramanı, qırımtatar halqınıñ erbabı, uçucı-sınavcı Amet-Han Sultan doğğanınıñ 97 yıllığına bağışlanğan miting ötkerilmesi planlaştırıla. Bu aqta Rusiye nezaretindeki şeer memuriyeti bildirmekte.

Merasim Amet-Han Sultan adını taşığan meydan ve onıñ portretli levhasıyerleştirilgen yerde ötkerilmesi beklenile.

Şimdiki şeer memuriyetinde çiçek qoyuv mitinginden evel binanıñ divarı tertipke ketirilecegine söz berildi.

Qırım KHV bildirgenine köre, merasim keçirilgende qoyulacaq qaranfiller içün şeer bücetinden 4,5 biñ ruble (2 biñ grivna civarında)

Amet-Han Sultannıñ eykeli tübüne çeçek qoyuv merasimi oktâbrniñ 25-nde Kyiv de ötkerilecek.

Amet-Han Sultan 1920 senesi oktâbrniñ 20-de Alupkada dünyağa kele. Babası – lak milletinden (doğma Dağıstandaki Tsovkra-1 avulından), anası – qırımtatarı ola. Ana-babası tarafından Amet-Han Sultannı qırımtatarları da, Dağıstanlılar da öz milliy qaramanı dep saya. Amet-Han Sultan 603 cenkâver uçuş yapıp, şahsen özü 30 ve gruppa erkanında 19 lüftvaffeniñ (natsist Almaniyanıñ ava quvetleri – QA) uçağını urıp tüşüre. Uçuşlar yapqan vaqtında uçucı tahminen 100 uçaq çeşitini ögrene, uçuşları ise 4237 saatni teşkil ete.

1971 senesi fevralniñ 1-de Tu-16 uçma laboratoriyasında deñeme uçuşında elâk ola. Moskvadaki Novodeviçye mezarlığında defn etile. Dağıstannıñ paytahtı Mahaçkala şeerinde halqara avalimanına onıñ adı berilgen.

XS
SM
MD
LG