Rusiyeli prezidenti saylâvlarında iştirak etecegi aqqında bildirgen rusiyeli televizion alıp barıcısı Kseniya Sobçak, Ukraina ve Rusiye tarafları siyasiy mabüs meselesini çezmek kerekler, dep saya.
Oktâbrniñ 24-nde jurnalistlerniñ suallerine cevap bergende Sobçak, Rusiyede ve şu cumleden Qırımda tutlmaqta olğan ukrain siyasiy mabüsleri aqqında keniş malümat almağa azır olğanı aqqında bilidirdi.
«Men bu adamlarnıñ cedveli, olarnıñ soyadı, apiste tutulğan yeri.. Ne yerde, angi madde boyunca tutulğanları aqqında malümat bekleyim. Bu kerçekten de pek büyük problema ve onıñ mevcut olğanından haberdarmız. Doğru bir şekilde, meselâ, Putinniñ afu etmesinen kölgede bulunğan ve Rusiyede arbiy mabüs sayılmağanlarnıñ keri qaytarılması kibi meselelernen bağlı işniñ doğru yapılması hususında körüşmeler yapıla», – dep qayd etti o.
Bu arada Kseniya Sobçak Ukrainada yaqalanğan Rusiye vatandaşları aqqında da hatırlattı.
«Men aynı zamanda ukrain tarafından Ukrainada apiste tutulğan rus insanlarınıñ soyadlarınıñ berilmesini bekleyim. Böyle insanlar bar ve bu prentsipial meseledir», – dedi Sobçak.
Kseniya Sobçak oktâbrniñ 24-nde Rusiye prezidenti saylâvınen bağlı öz programması aqqında söz yürsetkende, Rusiye Qırımnı işğal eterek, öz mecburiyetlerini bozğanını, ancaq yarımadada «pek çoq rusiyeli yaşağanı» sebebinden, bu mesele muzakere etilmek kerek olğanını beyan etti.
Kseniya Sobçak prezident saylâvında iştirak etmege istegeni aqqında 2017 senesi oktâbrniñ 18-nde bildirdi. Eger rusiyeli muhalifetçi Aleksey Navalnıyniñ saylâvda iştirak etmesine izin berilse, o öz namzetini çekme ihtimali olacağını bildirdi.
