Link açıqlığı

Rusiyeniñ Qırımdaki FSB idaresi oktâbrniñ 18-nde qırımtatar faili Suleyman Kadırovqa onıñ qabaatnamesini taqdim etken. Rus taqiqatı Kadırovnı, Rusiye Cinaiy Kodeksiniñ 280.1 mad. 2-nci qısımı esasında qabaatlay – «Rusiye Federatsiyasınıñ topraq bütünligini bozmaq içün halq ögünde yapılğan çağıruvlar». Bunı Qırım.Aqiqatqa advokat Aleksey Ladin bildirdi.

«Bu davanıñ hususiyeti – bu dava bir yıl evelsi – 2016 senesi oktâbrniñ 11-nde açılğan edi. Adliyeviy ceetten bütün iddialarnıñ delil ve easasları şekilsizdir. Davanıñ malümatlarında olğan ekspertizalarğa binayen, taqiqatnıñ Suleyman Kadırovqa ait olğanını tüşüngen şu repost ve izaatlarda bir de bir çağıruvlar mevcut degil. Olarda alğışlav, razılıq bildirüvi mevcut, amma çağıruvlar yoq. Kodeksniñ maddesi ise areketlerde çağıruvlar olmaq kereklini bildire», – dedi Ladin.

O şunı da qayd etti ki, «taqiqatnıñ keyfiyetine» dair bir sıra sualler peyda ola.

Kadırovnıñ özü qabaatlarnı red ete.

2016 senesi oktâbrniñ 5-de Rusiye uquq qoruyıcıları qırımtatar faili Suleyman Kadırovnıñ evine tintüv keçirmege keldi. Tintüv vaqtında bilgisayar ve telefon alındı. Tintüv qadı Rodionovnıñ Rusiye Federatsiyası sıñırlarını tanımamaq ve «Asker» qırımtatar batalyonına qoltutmaq çağıruvlarını ögrenmek Qararı esasında keçirilgen.

2016 senesi oktâbrniñ 11-de Suleyman Kadırovğa qarşı «separatizm» esasında cinaiy dava başlatıldı.

2017 senesi aprel ayındaqırımlı fail ve uquq qorçalayıcı Suleyman Kadırov, o, ekstremistler cedveline kirsetilgeni aqqında beyan etti.

Rusiye Qırımnı işğal etken soñ yarımadada mustaqil jurnalistler, cemaat failleri, Rusiyede yasaq etilgen «Hizb ut-Tahrir» teşkilâtınen bağlı olğanlarında şeklengen Qırım musulmanları, qırımtatar Milliy areket faalleri, Meclis azalarınıñ evlerinde tintüvler sıqlaştı.

Ukraina Tışqı işler nazirligi (MİD) işğal etilgen Qırımda ukrain vatandaşlarınıñ taqip etilmesinden qasevet çekkenini bildirdi

XS
SM
MD
LG